رب معصية أورثت ذلًا

سبحان الله... لمن كنت في عمر ال 12 ولي تحت، كنت بشوف الفنانين و الممثلين ديل حاجة دنيئة وقذرة وانهم لا يستحقوا يكونوا عبيد لله، كان الذنب عندي بيشيطن الزول وبخته في حتة صعب امرقه منها، يعني ممكن استنكر فنان بيصلي أو بيقرأ قرآن، ما كنت بستوعب انه الإنسان دا خليط بين صح وخطأ مهما كان، وانه دا الطبيعي بتاعه، الما طبيعي إنه يكون في حالة صلاح دائم، العالم الداخلي للإنسان وعلاقته بالسماء كان مجهول بالنسبة لي، لكن بعد داك عرفت انه ممكن الذنب يكون سبب في رفعة والطاعة العكس، وهنا أنا ما داير أبرر الخطأ للمشاهير، لكن عايز الصفة البشرية ما تنزع منهم.

"رب معصية أورثت ذلا وافتقارا، ورب طاعة أورثت عزا واستكبارا".

اسأل الله أن يتلقف منك القلب يا أحمد وأن يجرك إليه جرا ببركة هذه الساعة وبركة هذا الشهر.

آمين.